Les mots surlignés font l'objet d'une note
1Le XXVIIIe / [/ novembre 1573] jeuz adviz que M[onsieu]r de St Romain coucha le XXVe à La Bastie
2de Cursol, accompagné de vingt chevaulx, où il manda les sieurs de
3Pierregourde, de Rocoulles et autres de son party, ayant avecque luy
4certain Alleman, duquel on faisoit estat et faisoyt on bruict que ledit
5sieur de St Romain disoit que Mr le duc d’Uzès avoyt apporté la paix
6mais quil apportoyt la guerre et quil sen alloyt passer au Pouzin, Privas
7et delà à Nismes.
8Ledit jour que ledit sieur de St Romain avec madamoiselle sa femme, accompagnez
9De XX ou XXV chevaulx, passèrent sur les dix heures de la nuict
10Du XXVie près La Voulte, sen allant au Pouzin.
11auroit passé le Rosne à Champagne et coucha ce soir-là dans
13les Tourrettes d’Oriol où estoit venu des soldatz des garnisons quilz
14tiennent pour laccompagner à Coursas, maison de sa femme
15et sen estoyt allé avec sadite femme au Pouzin, ayant emporté
16tous ses meubles jusques au boys de litz et les a mys dans la Bastie
17de Cursol où six vingtz soldatz laurroient accompagné et
18auroyt faict emporter avec sesdits meubles les cloches dun village de
19madamoiselle de Tournon.